English

 

Stofnun um fjármálalæsi er sjálfstæð stofnun við Háskólann í Reykjavík sem beitir sér fyrir bættu fjármálalæsi íslensku þjóðarinnar.

 

Fjármálalæsi miðar að því að almenningur nái betri tökum á eigin fjármálum og tryggi fjárhagslegan stöðugleika í lífi sínu og fjölskyldna sinna. Með bættu fjármálalæsi hefur fólk tækifæri til að móta fjárhagslega framtíð sína út frá því efnahagsumhverfi sem það býr við.

 

Það stuðlar einnig að gagnrýninni og upplýstri umræðu og ýtir undir fyrirhyggju í fjármálum. Þannig er ekki aðeins lagður grunnur að meiri lífsgæðum, heldur einnig stuðlað að ábyrgara og heilbrigðara samfélagi.

 

 

Stofnun um fjármálalæsi við Háskólann í Reykjavík - Ofanleiti 2, 103 Reykjavík

s: 599 6540 - fjarmalalaesi@ru.is

 

Taktu fjármálaprófið sem Stofnun um fjármálalæsi  hannaði fyrir Byr sparisjóð:

 

 

Varhugavert að tengja lán við greiðslujöfnunarvísitölu

 

Samkvæmt greiningu Stofnunarinnar er greiðslubyrði lána sem tengd eru greiðslujöfnunarvísitölunni léttari til skamms tíma en þyngist síðan og heildarbyrði lána verður meiri til lengri tíma. Það er ljóst að hér er ekki komin sú lausn á skuldavanda heimilanna sem boðuð hefur verið þó þeim sé gert bærilegra að komast af um sinn. Lesa meira...

 

 

Athygli er vakin á því að vegna athugasemdar sem barst, hefur texta er varðar vísitölu launa verið breytt. Beðist er velvirðingar á ónákvæmni í orðalagi sem þar kann að hafa gætt.